फागुन १८ गते २०८२
प्यूठान । जिल्लाको प्यूठान नगरपालिका ४ विजुवारमा रहेको निमतारा पोलिकील्नीक बिजुवारले दन्त तथा आँखा उपचार सेवा बिस्तार गरेको छ । मित्रमणि चोक नजिकैबाट नियमित विशेषज्ञ सहितको स्वास्थ्य सेवा प्रदान गर्दै आइरहेको पोलिक्लिनिकले आईतबार स्थापना भएको तेस्रो बर्षको अवसर पारेर दन्त तथा आँखा उपचार सेवा सञ्चालन गरेको हो ।
पोलिक्लिनिकका सञ्चालक डा.सुवास र डा.प्रकास जिसीका बुबा निमानसिंह जिसी र आमा तारा जिसीले एक कार्यक्रमको आयोजना गरि रिवन काटेर सेवा बिस्तार भएको हो । जिल्लामा सेवाग्राहिको मागलाई विशेष मध्यनजर गरी पोलिक्लिनिकले दन्त तथा आँखा उपचार सेवाको बिस्तार गरिएको पोलिक्लिनिकका संचालक डा.सुवास जिसीले जानकारी दिनुभयो ।
अब जिल्लामा रहेका दन्त तथा आँखाका बिरामीले उपचारमा दुख नपाउने गरि सेवा प्रारम्भ गरिएको डा . जिसीले बताउनुभयो । उक्त बिरामीले बाहिर गएर बढी शुल्क तिनुपर्ने समय खर्चनु पर्ने बाध्यता हटेको सञ्चालक डा. प्रकाश जीसीले बताउनुभयो । आँखा उपचार केन्द्रका संचालक किरण पौडेललका बुबा कासिराम पौडेलले रिवन काटेर सेवा प्रारम्भ गर्नुभएको हो । जिल्लामा रहेका आँखाका बिरामीले नियमित रुपमा उपचार पाउने छन् । उपचार सहित चस्मा समेत उपलब्धता रहेको संचालक किरण पौडेलले जानकारी दिनुभयो ।
पोलिक्लिनिकले जिल्लामा दैनिक बिरामी जाच तथा उपचार सेवा, जनरल फिजिसियन सेवा, भिडियो एक्सरे, प्रयोगशाला, फार्मेसी, इसीजी, महिला तथा प्रसुती रोग बिशेषज्ञ, हाडजोर्नी तथा नसारोग बिशेषज्ञ र बालरोग बिशेषज्ञ सेवा दिदै आएको छ ।
