मंसिर १७ गते २०८२
रोल्पा । रोल्पामा प्रहरीले ५ सय लिटर अवैध जाड बरामद गरी नष्ट गरेको छ । जिल्लाको सुनिल स्मृति गाउँपालिका–१ सल्ली पिपलमा अवैध रूपमा घरेलु मदिरा उत्पादनका लागि राखिएको कच्चा पदार्थ प्रहरीले बरामद गरी नष्ट गरेको हो । हिजो सोमबार दिउँसो करिब १२ः४० बजेको समयमा स्थानीय श्रीधर कँवरको घरमा अवैध रूपमा घरेलु मदिरा लुकाईछिपाई राखिएको भन्ने गोप्य सूचनाको आधारमा इलाका प्रहरी कार्यालय खुङ्ग्री र इलाका प्रहरी कार्यालय सुलिचौरको संयुक्त टोली उक्त स्थानमा खटिएको थियो ।
प्रहरीले उनको घर वरपर खानतलासी गर्दा घरको आँगनमा लुकाईछिपाई राखिएको ९ वटा ड्रममा रहेको करिब ५०० लिटर घरेलु मदिरा उत्पादनका लागि तयार पारिएको कच्चा पदार्थ ९जाँड० फेला पारेको हो । त्यसपछी प्रहरी उक्त जाड बरामद गरि स्थानीय जनप्रतिनिधिको रोहबरमा दिउँसो करिब १ः३० बजे रीतपूर्वक नष्ट गरिएको जिल्ला प्रहरी कार्यालय रोल्पाले जनाएको छ । प्रहरीले अवैध मदिरा उत्पादन तथा कारोबार नियन्त्रण गर्न नियमित रूपमा निगरानी तथा कारबाहीलाई निरन्तरता दिने जनाएको छ ।।
