वैशाख ६ गते २०८२
बैशाख ४ गते,प्यूठान । जिल्लाको माण्डवी गाउँपालिका वडा नं.३ ले अब जनप्रतिनिधि, कर्मचारी र शिक्षकहरूले आफ्ना बालबालिकालाई सामुदायिक विद्यालयमा पढाउनु पर्ने भएको छ ।
विहिवार वडा कार्यालयले सुचना निकाली यस्तो निर्णय गरेको हो । वडाध्यक्ष धनेन्द्र कार्कीद्वारा जारी सूचनामा भनिएको छ, “सामुदायिक विद्यालयमा सबैको पहुँच र सहभागिता बढाउन नेतृत्वदायी व्यक्तिले उदाहरणीय भूमिका खेल्नुपर्छ।”
निर्णयको अवज्ञा गरे वडा कार्यालयबाट उपलब्ध सेवा सुविधा बन्द गरिने वडा अध्यक्ष कार्कीले बताए । वडाले शैक्षिक, भौतिक र व्यवस्थापकीय सुधारमा प्रतिबद्धता जनाएको छ।
