श्रावण ५ गते २०८३
प्यूठान । स्वर्गद्वारी नगरपािलकामा सातौँ मेयर कप २०८२ को उद्घाटन गरिएको छ । आईतबार राष्ट्रको लागी खेलकुद स्वास्थ्यको लागी खेलकुद भन्ने मुल नाराको साथ स्वर्गद्वारी नगर खेलकुद विकास समितिको आयोजना र स्वर्गद्वारी नगरपालिकाको आर्थिक सहयोगमा खेलकुद मैदान बाझिँपुरमा नगर प्रमुख टेक प्रसाद भण्डारीले उद्घाटन गर्नुभएको हो । उद्घाटन खेलकुद कार्यक्रममा प्रमुख प्रसासकीय अधिकृत केशवराज भट्टराईले खेलकुदको सफलातको शुभकामना दिदै समस्या रहेकामा आर्थिक व्यवस्थापनमा सहयोग गर्ने बताउनुभएको थियो । स्वर्गद्वारी नगरपालिकाका सामाजिक विकासका प्रमुख एवम ५ न. वडाका वडाअध्यक्ष गिर बहादुर घर्तिमगरले खेलकुद राष्ट्रको गहना र पहिचाहन भएको बताउदै सफलताको सुभकामना व्यक्त गर्नु भएको थियो ।
त्यस्तै राजनितिक दलको तर्फबाट स्वर्गद्वारी नगर कमिटिको नेकपा माओवादी केन्द्रका अध्यक्ष टेक बहादुर भट्टराई (पदम)ले खेलकुद भनेको युवाहरुको रुचिको विषय र स्वास्थ्यको लागी फाईजा जनक भएको हुदा खेलकुदमा नगरपालिकाले चासो र बजेटमा विनोजन गर्न हिजकिचाउने व्यवहार नगर्न सुझवा दिनुभएको थियो । खेलकुदको समयमा मैदान तर्फ जाने र अरुबेला मन्टो फर्काउने तथा लुकाउने व्यवहार नगरी खेलकुद मैदान व्यवस्थापन गर्न सल्लाह दिनुभएको छ । त्यस्तै नगर प्रमुख भण्डारीले खेलकुद मैदानको लागी दश लाख छुटुयाएको तर समयमा काम गर्न नसकेको बताउदै तिहारपछि खेलकुद मैदान व्यवस्थापन गर्ने बताउनुभएको थियो । खेलाडीलाई सफलताको शुभकामना समेत नगरप्रमुख भण्डारीले व्यक्त गर्नुभएको थियो ।
आजै भएको भलिबल प्रतियोगीतामा वडा न. ३ र ९मा वडा न. ३ ले सोझो सेटमा ९ लाई पराजित गरेको हो । त्यस्तै वडा न. १ कोचिबाङ र वडा न. ८ बर्जिबाङमा सोझो सेटले कोचिबाङले पराजित गरेको हो । क्रिकेट प्रतियोगीतामा वडा न.५ सारीलाई २१ रनले वडा न. ३ जलुकेले जितेको हो । भोली भलिबल प्रतियोगीतामा पहिलोमा वडा न. ३ र ५ , दोस्रोमा वडा न.६ र ७ र तस्रोमा वडा न. २ र ४ रहेको सचिव प्रेम भुसालले जानकारी दिनुभयो । बाकी रहेका क्रिकेट प्रतियोगीता हुने समेत भुसालले बताउनुभयो
