श्रावण ५ गते २०८३
प्यूठान अनालाईन न्यूज डेक्स । नेकपा एमालेका प्रभावशाली नेता तथा सांसद सूर्य थापाले वरिष्ठ राजनीतिज्ञ वामदेव गौतमसँग भेट गरेका छन् । दुई नेताबीच प्यूठानको विकासको विषयमा छलफल भएको जनाईएको छ । गौतमसँगको भेटबारे जानकारी दिँदै थापाले दुवै जनाले आ–आफ्नो निर्वाचन क्षेत्र र जन्मथलोको लागि मिलेर केही गर्न लागिपर्ने समझदारी थालेको स्पष्ट पारेका छन् ।
थापाले फेशबुकमा लेखेका छन् ।
वरिष्ठ राजनीतिज्ञ राष्ट्रियसभा सदस्य कमरेड वामदेव गौतमसॅग भैंसेपाटीस्थित निवासमा महत्वपूर्ण भेटघाट भएको छ। प्युठानमा उहॅाको समयमा थालनीको प्रक्रियामा रहेका केही कामहरूप्रतिको लगाव र जोड जिउॅदो जाग्दो नै रहेको छ।हामीले प्रतिनिधिसभा र राष्ट्रियसभा सदस्यको हैसियतमा दुबैले आआफ्नो निर्वाचन क्षेत्र र जन्मथलोका लागि मिलेर केही गर्न लागिपर्ने समझदारी थालेका छौं।
