फागुन २० गते २०८२
काठमाण्डाै – मनकामना मन्दिरको दर्शन गर्न आएका एक जना भारतीय पर्यटकको शौचालयमा लडेर ज्यान गएको छ ।
चितवनको इच्छाकामना गाउँपालिका–४ मनकामना केवलकारको स्टेशनमा रहेको शौचालयमा लडेर गुजरातको पालनपुरका ६२ वर्षीय मन्नुप्रसाद भट्टको आज ज्यान गएको हो ।
मुग्लिनमा रहेको इलाका प्रहरी कार्यालयका प्रहरी निरीक्षक प्रतीक सिंहका अनुसार शौचालयमा लडेर अचेत भेटिएका भट्टलाई उपचारका लागि इच्छाकामना आधारभूत अस्पताल कुरिनटार ल्याउँदा चिकित्सकले मृत घोषणा गरेका हुन् ।
