फागुन १८ गते २०८२
काठमाण्डौं। सुनको भाउ आज पनि घटेको छ । सुन तोलामा ७ सय रुपैयाँले घटेर तोलाको दुई लाख ३६ हजार तीन सय रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ । हिजो सुनको भाउ तोलाको दुई लाख ३७ हजार रुपैयाँ थियो ।
यस्तै, आज चाँदीको भाउ भने बढेको छ । हिजो चाँदीको भाउ तोलाको दुई हजार नौ सय २० रुपैयाँ रहेकोमा आज तोलाको दुई हजार नौ सय ६५ रुपैयाँ पुगेको छ । चाँदीको भाउ आइतबार तोलाको ३ हजार १५ रुपैयाँ थियो । हिजोको तुलनामा चाँदी आज तोलामा ४५ रुपैयाँले बढेको हो । गएको असोज ३१ गते सुनचाँदीको भाउ अहिलेसम्मकै उच्च थियो । त्यस दिन सुन तोलाको दुई लाख ५८ हजार रुपैयाँ थियो । चाँदीको भाउ तोलाको तीन हजार तीन सय ५० रुपैयाँ थियो ।
