मंसिर २४ गते २०८२
काठमाण्डौ – एभरेष्ट महिला भलिबल लिगको दोस्रो संस्करणका बाँकी खेल आजदेखि हुँदैछन् । गएको भदौ २० देखि पोखरामा शुरू भएको प्रतियोगिता लगत्तै २३ र २४ गतेको जेनजी आन्दोलनका कारण रोकिएको थियो ।
प्रतियोगिता आजदेखि काठमाण्डौको त्रिपुरेश्वरमा रहेको राष्ट्रिय खेलकुद परिषद् ९राखेप० को कभर्डहलमा सञ्चालन हुँदैछ । लिगका १६ मध्ये यसअघि ९ खेल सम्पन्न भइसकेको छन् । आज हुने पहिलो खेलमा दिउँसो ३ बजे कर्णाली यशविस र मधेश युनाइटेडले तथा आज बेलुका ५ बजे ललितपुर क्वीन्स र पोखरा निन्जाजले खेल्दैछन् ।
६ टोली सहभागी प्रतियोगितामा शीर्ष दुईमा रहने टोली फाइनलमा पुग्नेछन् । फाइनल खेल यहि २९ गते हुनेछ ।
