वैशाख ७ गते २०८३
प्यूठान । जिल्लाको स्वर्गद्वारी नगरपालिका लाग्ने प्रथम स्वर्गद्वारी भिगृ प्यूठान महोत्सव २०८२ पत्रकार भेटघाट कार्यक्रम सम्पन्न भएको छ । बुधबार “ कृषि, पर्यटन ,उद्योग र व्यापार, स्वर्गद्वारी हाम्रो पहिचाहनको आधार ” नाराको साथ प्रथम स्वर्गद्वारी भिगृ प्यूठान महोत्सव २०८२ को लागी स्वर्गद्वारी नगरपालिका ३ मा रहेको धर्मशालामा सम्पन्न भएको हो । कार्यक्रममा प्यूठान उद्योग बाणिज्य संघ स्वर्गद्वारी नगर बजार क्षेत्रका अध्यक्ष विष्णु योगीले महोत्सवको बारेमा जानकारी दिनुभएको थियो । महोत्सवमा स्थानीय कृषि उत्पादन, पर्यटन क्षेत्र, धार्मीक स्थल, राष्ट्रिय तथा स्थानीय कलाकारहरुलाई ल्याईने अध्यक्ष योगी बताउनु भएको थियो । महोत्सवबाट उठेको आर्थीकलाई धर्मशालाको माथिल्लो तला थप्ने एवम् सामाजिक कार्यहरुमा लगानी लगाउने अध्यक्ष योगीले जानकारी दिनुभयो थियो ।
कार्यक्रममा प्रमुख अथिति रहनु भएका प्यूठान उद्योग बाणिज्य संघका अध्यक्ष सन्देश आचार्यले महोत्सवबाट उठेको रकम प्यूठान जिल्लाका विभिन्न ठाउँहरुको विकासमा लगाएको बताउनुभएको थियो । स्वर्गद्वारी नगर बजार क्षेत्रले पनि प्रथम पटक महोत्सव लगाउन लाग्दा निकै गर्व लागेको बताउदै सफलताको शुभकामना व्यक्त गर्नुभएको छ । त्यस्तै कार्यक्रममा नेपाल पत्रकार महासंघ प्यूठानका अध्यक्ष श्रीराम भण्डारीले महोत्सवमा उठेको रकम सहि ठाउँमा सदुपयोग र पादर्शीता रहोस बताउदै शुभकामना व्यक्त गर्नुभएको थियो । महोत्सवको प्रचार प्रसारमा पत्रकारहरुको निकै राम्रो भुमीका रहने प्रचारप्रसार लाग्ने बताउनुभएको थियो । महोत्सव सकिएपछि आम्दानी र खर्चको विवरण तत्काल गरिने पशुपति क्षेष्ठले बताउनुभयो ।
महोत्सवमा आउने कलाकारमा ज्योती मगर , दुर्गेश थापा , बद्री पङ्गनी ,पिएन सापकोटा लगायत रहेका छन । आयोजक प्यूठान उद्योग बाणिज्य संघ स्वर्गद्वारी नगर बजार क्षेत्र, समन्वयमा प्यूठान उद्योग बाणिज्य संघ , संरक्षकमा स्वर्गद्वारी नगरपालिका , नेपाल पत्रकार महासंघ प्यूठान रहने भएका छन । महोत्सव बसपार्क नजिकै यहि पौष १८ गते देखी २९ गते सम्म लाग्ने भएको छ ।
