श्रावण ५ गते २०८३
प्यूठान । जिल्लाको स्वर्गद्वारी नगरपालिका ५ सारीका वडा अध्यक्ष गिर बहादुर घर्तिमगरले जनताको सेवा गर्नु नै मेरो एक मात्र लक्ष्य रहेको बताउनुभएको छ । शुक्रबार प्यूठान अनलाईसँग गरिएको कुराकानीमा विकासको आधार समाज एकता भएकाले वडाबासीहरुलाई एकरुपता बनाउन लागेको र आवश्यकता सेवामा लागी परेको बताउनुभयो । जनताको इच्छा र चाहना अनुसार काम गर्न जनप्रतिनिधि हुन निर्वाचनमा जादा जुन प्रतिबद्धता गरेको थिए, ती प्रतिबद्धता अनुसार १, २, ३, ४ गरी प्राथमिकता अनुसार काम गर्दै जान लागेको समेत वडा अध्यक्ष घर्तिले सुनाउनुभयो ।
सामान्यतया जनताको न्यूनतम आवश्यकता शिक्षा, स्वास्थ्य, बाटो घाटो ,खानेपानी, वातावरण लगायतका आवश्यकताहरु जुन बढी महत्वपूर्ण छ त्यसलाई प्रथामिकाता साथ अगाडि बढेको समेत घर्तिले बताउनु भयो । उहाले भन्नुभयो “निर्वाचन हुदा एक पार्टीका थियौँ तर अहिले निर्वाचित भएपछि काम गर्दा जहिले पनि व्यक्तिगत निर्णयभन्दा सामुहिक निर्णयबाट काम गरेको छौ । ” कार्यहरुमा वडाबासीहरुलाई घरघरमा खानेपानीका व्यवस्था , सडकको मर्मत , नागरीकताविहिनलाई नागरिकता दिलाउएको , फरक क्षमता भएका व्यक्तिहरुलाई संरक्षण र सेवा प्रदान गरेको वडा अध्यक्ष घर्तिले बताउनुभयो । सामाजीक सुरक्षा भत्ताको नवीकरणका लागी वडाबासीहरुको घरघरमा वडाको समय भन्दा बाहेकको समय साझँ र विहान गरी पुगी गरेको समेत वडा अध्यक्ष घर्तिले बताउनुभयो । जिल्लाभन्दा बाहीर रहेका वडाबासीहरुलाई पनि उहँको निवासमा गएर नविकरण गरेको उहाँको भनाई छ । यो आर्थिक वर्षमा सारीको भु–बनोट व्यवस्थापन , सारी जानको लागी पक्कि पुल , रिङ्गरोड , खानेपानीको लागी प्रदेश सरकारमा बजेटको पहल गरी व्यवस्थापन गरेको र अव काम लगतै सुरु गर्ने वडा अध्यक्ष घर्तिले बताउनुभयो ।
सम्पन्न भएका कार्यहरुमा आवश्यक सल्लाह सुझाव दिन वडाबासीहरुलाई वडा अध्यक्ष घर्तिमगरले आग्रह गर्नुभएको छ । उहाँले वर्तमान समाजलाई परिवर्तन गर्दै समाजका विकृति, विसंगतिका विरुद्ध आवाज बुलन्द गर्नु जनताको सेवा गर्नु नै मेरो एक मात्र लक्ष्य रहेको बताउनुभयो । युवा वडा अध्यक्ष घर्ति जनताको विकास र सेवाको लागी निरन्तर लागी परेको देख्न सकिन्छ।
