कार्तिक ६ गते २०८३
काठमाडौँ । नेकपा एमालेका अध्यक्ष केपी शर्मा ओली, नेपाली कम्युनिष्ट पार्टी ९नेकपा० का संयोजक पुष्पकमल दाहाल ‘प्रचण्ड’ लगायत विभिन्न राजनीतिक दलका शीर्ष नेताहरू आज राजधानीमा एउटै मञ्चमा देखिने भएका छन्।
मदन भण्डारी फाउण्डेसनले राष्ट्रिय सभागृहमा जननेता मदन भण्डारीको ७५औँ जन्मजयन्तीका अवसरमा आयोजना गरेको ‘नेपालको कम्युनिष्ट आन्दोलन र जननेता मदन भण्डारी’ विषयक राष्ट्रिय गोष्ठीमा पूर्वराष्ट्रपति विद्यादेवी भण्डारी प्रमुख अतिथिका रूपमा सहभागी हुने कार्यक्रम छ ।
कार्यक्रम ओली र प्रचण्डसहित माधवकुमार नेपाल, पूर्वप्रधानमन्त्री झलनाथ खनालले समेत सम्बोधन गर्ने कार्यक्रम रहेको छ ।
पछिल्लो समय ओली र प्रचण्डबीच निकटता बढिरहेको बेला यस जमघटलाई अर्थपूर्ण रुपमा हेरिएको छ ।
