असार ३२ गते २०८३
काठमाडौं, १० चैत । नागरिक उन्मुक्ति पार्टी (नाउपा) र जनमत पार्टीको एकतापछि डा.सिके राउत र रञ्जिता श्रेष्ठ दुवै जना अध्यक्ष बन्ने भएका छन् । दुई दलबीचको एकता अगामी वैशाखभित्र टुङ्गिने बताइएको छ । नाउपाका संरक्षक रेशमलाल चौधरीका अनुसार एकतापछि नाउपाबाट रञ्जिता र जनमतबाट डा.राउत दुवैले पार्टीको नेतृत्व गर्नुपर्ने आवाज उठिरहेको छ र सोहीअनुरुप गृहकार्य भइरहेको छ ।
‘जनमत पार्टीबाट डा.सिके राउतले र नागरिक उन्मुक्ति पार्टीबाट रञ्जिताजीले नेतृत्व गर्नुपर्छ भन्ने दुवै पक्षको चाहना, इच्छा र समर्थन छ । निश्चय पनि सिके राउतजीको पार्टी, जनमत पार्टी हाम्रो भन्दा संसदीय संख्यामा ठूलो हो र राष्ट्रिय पार्टी भनेर कहलिएको पार्टी हो । हामीले उहाँभन्दा अलिकति थोरै मत ल्याएका छौं । त्यस कारणले संवैधानिक, कानुनतः सामाजिक मर्यादाहरु पनि बरियता क्रममा तलमाथि होला । तर, हामी एकअर्कालाई सम्मान गर्दै स्विकारेर जान्छौं,’– नाउपाका संरक्षक डा.राउतले भने ।
