असार १६ गते २०८२
काठमाडौं । पश्चिमी वायु, स्थानीय वायु, बङ्गालको खाडी र अरब सागरबाट भित्रिएको जलवाष्पयुक्त हावाको संयुक्त प्रभावले मौसममा परिवर्तन देखिएको छ ।
मौसम पूर्वानुमान महाशाखाका अनुसार कर्णाली र सुदूरपश्चिम प्रदेशका साथै देशका केही पहाडी क्षेत्रमा आंशिकदेखि सामान्य बदली छ भने अन्य भूभागमा मौसम मुख्यतया सफा देखिएको छ। गण्डकी, लुम्बिनी, कर्णाली र सुदूरपश्चिमका पहाडी क्षेत्रमा कतैकतै चट्याङ्गसहित हल्का वर्षा भइरहेको छ।
आज दिउँसो देशका पहाडी भूभागमा आंशिकदेखि सामान्य बदली रहनेछ भने बाँकी क्षेत्रमा मौसम मुख्यतया सफादेखि आंशिक बदली रहनेछ। पहाडी भूभागका केही स्थानमा चट्याङ्गसहित हल्कादेखि मध्यम वर्षा हुन सक्छ। साथै, हिमाली क्षेत्रमा वर्षासँगै हिमपातको सम्भावना पनि रहेको छ।
राति पनि देशका पहाडी भूभागका कतिपय स्थानमा चट्याङ्गसहित हल्कादेखि मध्यम वर्षा हुन सक्छ भने हिमाली क्षेत्रमा हल्का हिमपातको सम्भावना रहेको छ।
