पृथ्वी राजमार्ग बन्द ः मुग्लिन नजिकै घोप्टेभिरमा सुक्खा पहिरो
प्युठान अनलाईन न्युजडेक्स । चितवनको मुग्लिन नजिक इच्छाकामना गाउँपालिका–४ घोप्टेभिरमा सुक्खा पहिरो खस्दा पृथ्वी राजमार्ग बन्द भएको छ । जिल्ला प्रहरी कार्यालय चितवनकाअनुसार पहिरोले सडक दुवैतर्फ अवरुद्ध भएको छ । त्यसअघि हिजो पनि पहिरो खसेको थियो तर लगत्तै सफा गरी खुलाएको भए पनि फेरि आज बिहान पहिरो खसेको हो । पहिरो पन्छाउन थालिएको छ ।