मंसिर १४ गते २०८२
जेठ १५ गते ,प्यूठान।गणतन्त्र दिवसको अवसरमा अखिल क्रान्तिकारीद्वारा प्युठानअस्पताल परिषद सरसफाई गरेको छ । विहिवार नेपाली जनताको वीरतापूर्ण संघर्ष र बलिदानबाट संघीय लोकतान्त्रिक गणतन्त्र स्थापना भएको १७ वर्ष पूरा हुदाको अवसरमा अखिल क्रान्तिकारी जिल्ला समिति प्यूठानको आयोजनामा प्युठान जिल्ला अस्पताल परिषद सरसफाई गरिएको अध्यक्ष शुसिला घर्तिमगरले जानकारी दिनुभयो ।
सरसफाई कार्यक्रममा अस्पताल परिषदको वरिपरी रहेको झाडी , फोहोर बस्तुहरु संकलन , लगाएतका कामहरु गरिएको अध्यक्ष घर्तिले बताउनुभयो । सरसफाई गर्नु कुनै दिवसको अवसरमा मात्र होइन अस्पतालको संरक्षण र सहजताका लागी हाम्रो दाहित्वय भएको बताउदै अन्य संगठन तथा संस्थाहरुको मार्गको थालनी होस भनी सरसफाई गरिएको अध्यक्ष घर्तिको भनाई रहेको छ ।
सर सफाई कार्यक्रममा नेकपा माओवादी केन्द्र लुम्बिनी प्रदेश सदस्य अर्जुन कुमार कक्षपति ,अखिल क्रान्तिकारी लुम्बिनी प्रदेश समितिका अध्यक्ष पुष्कर शर्मा, प्युठान अस्पताल विकास समितिका अध्यक्ष कृष्ण बस्याल (रोयल) , संगठनका केन्द्रीय सचिवालय सदस्य तारा बहादुर घर्ती मगर , प्रोफेसर डाक्टर ओम हरि भट्टराई तथा संगठनका जिल्ला पदाधिकारी सदस्यहरूको उपस्थिती रहेको थियो ।
