वैशाख ८ गते २०८३
प्यूठान । नेपालको संविधान २०७२ बमोजिम नेपालको मूल संरचना संघ, प्रदेश र स्थानीय तह गरी तीन तहको रहेको छ । यी तीन सरकारले राज्यशक्तिको प्रयोग सहकारिता, सहअस्तित्व र समन्वययका आधारमा गर्दछन् । स्थानीय सरकारहरु भएपछि सिहं दरबार गाउँगाउँमा भएको जनताले महशुस गरेका छन । प्यूठान जिल्लाको झिमरुक गाउँपालिकाका अध्यक्ष पित बहादुर महतरा क्षेत्री आर्थिक वर्ष २०८२–०८३ मा जनताको आवश्यक समस्याहरु पहिचाहन गरेर काम गर्ने उदेश्यले शुक्रबार मर्कबाङ जनताको गुनासो सुन्न बस्तीबस्तीमा पुगेको मिलन एमसीले प्यूठान अनलाईनलाई जानकारी दिनुभयो ।
बस्तीमा पुग्नु भएको अध्यक्ष महतरा क्षेत्रीले भन्नुभयो, “पालिकाले सबै वडामा हेर्नुपर्ने भएकाले जनताको मुल आवश्यकता अवका दिनमा केके रहेका छन र आवश्यकता अनुसार क्रमिक रुपा पुरा गर्ने हेतुले बस्तीबस्तीमा सुझाव लिन पुगेका हौ। ” बस्तीबस्तीमा पुग्दा धेरै समस्याहरुको पहिचाहन भएकाले सबैलाई प्रथामिकता अनुसार पुरा गर्ने अध्यक्ष महतरा क्षेत्री बताउनुभयो । अध्यक्ष महतरा निर्वाचित भएसँगै विकास निर्माणका कार्य, शौक्षिकमा गुणस्तर , चेतनामुलक कार्यक्रमहरुमा युवाहरुलाई लक्षित गरी गरेको स्थानीय गिरजोन विकले बताउनुभयो ।
गाउँपालिकाको टोलबस्तीमै गुनासो सुन्ने कार्यक्रमको सुरुवात अध्यक्ष महतरा गर्नुभएको छ । उहाँले यहि साउन १७ गतेदेखि गुनासो सुन्ने अभियानको सुरु गर्नु भएको हो ।
