श्रावण २ गते २०८३
प्यूठान अनलाईन न्यूज डेक्स । सरकारले निवर्तमान प्रधानमन्त्री केपी शर्मा ओलीसहित पाँच जनाको पासपोर्ट रोक्का गर्ने निर्णय गरेको छ । जेन–जी आन्दोलन दमनबारे जाँचबुझ गर्न गठित आयोगको सिफारिसमा गृह मन्त्रालयले उनीहरुलाई विदेश जान रोक लगाएको हो । उनीहरुलाई अनुमतिबिना काठमाडौं उपत्यका बाहिर जान पनि रोक लगाएको र कुनै काम विशेषले जानु पर्ने अवस्था भएमा आयोगसँग अनुमति लिनुपर्ने गृह मन्त्रालयले जनाएको छ ।
पासपोर्ट रोक्का हुनेमा तत्कालीन प्रधानमन्त्री ओली सहित गृहमन्त्री रमेश लेखक, गृहसचिव गोकर्णमणि दुवाडी, राष्ट्रिय अनुसन्धान प्रमुख हुतराज थापा र काठमाण्डौका प्रमुख जिल्ला अधिकारी छवि रिजाल रहेका छन् । पासपोर्ट रोक्का गरेको जानकारी अध्यागमन विभाग सहित सम्बन्धित निकायमा पठाएको गृह मन्त्रालयले जनाएको छ ।
गएको २३ भदौको जेन–जी आन्दोलनमा प्रहरीले घातक दमन गर्दा १९ जनाको ज्यान गएको थियो ।
