असार ३२ गते २०८३
प्यूठान । समाज परिवर्तन र समृद्धिको पहिलो तथा प्रमुख आधार शिक्षा भएको प्यूठान नगरपालिकाका नगर प्रवक्ता तथा वडा नं. ३ का वडा अध्यक्ष सुमनराज श्रेष्ठले बताउनु भएको छ । एस.ईई परिक्षालाई केन्द्रित गरि प्यूठान नगरपालिका भित्र रहेका विद्यालयहरुमा अबलोकन मार्फत विद्यालय परिवारसँगशैक्षिक अवस्थाका बारे जानकारी लिदै बिद्यार्थीहरुसँग साक्षात्कार कार्यक्रममा श्रेष्ठले यस्तो बताउनु भएको हो ।
व्यावहारिक र गुणस्तरीय शिक्षामा जोड दिन नगरपालिका अनुसन्धान मुलक लागेको समेत नगर प्रवक्ता श्रेष्ठले बताउनु भयो । विद्यालयमा अध्ययनरत विद्यालर्थीहरुको मनोभावना बुझ्दा एस .ईई मा नजिता पनि राम्रो आउने देखेको समेत श्रेष्ठले प्यूठान अनलाईनलाई जानकारी गराउनुभयो । शिक्षा क्षेत्रमा लगानी वृद्धि गरी विद्यालय तहदेखि नै सुधार र विकासका कामहरू गर्ने श्रेष्ठले बताउनुभयो । नगरपालिका भित्र रहेका दलित र जनजाति अन्तर्गत कक्षा ११ र १२ मा अध्ययनरत विद्यार्थीहरुलाई छात्रावृत्ति उपलब्ध गराउने कार्यक्रम लिएको आर्थिक संयोजक समेत रहनु भएको श्रेष्ठले बताउनु भयो ।
प्यूठान नगरपालिकाले आमाबुबा नभएका बालबालिकाहरुलाई कक्षा १ देखी १२ सम्म निशुल्क रुपमा अध्ययनको व्यवस्था मुक्ति मावि रातामाटामा गरेको छ ।
