वैशाख १ गते २०८३
प्यूठान । प्यूठानबाट ४ हजार ३ सय ८५जना विद्यार्थीले एस.ईई दिने भएका छन । यस वर्षको माध्यमिक परिक्षा (एस.ईई) भोली चैत १९ गते विहिबार देखी देशभर सञ्चालन हुन लागेकोमा प्यूठानबाट ४ हजार ३ सय ८५जना विद्यार्थीले एस.ईई दिन लागेको शिक्षा विकास तथा समन्व्य इकाईको परिक्षा शाखा प्रमुख साधाना पण्डितले प्यूठान अनलाईनलाई जानकारी दिनुभयो ।
परिक्षामा सहभागीमध्ये जसमा नियमितको संख्या ३ हजार ५९ जना र ग्रेडवृद्धिमा १ हजार ३ सय २६ रहेको पण्डितले बताउनुभयो । त्यस्तै नियमित साधारणमा २ हजार८ सय ९५ रहेका छन भने प्राविधिक धारमा १ सय ६४ रहेका छन । ग्रेडवृद्धिमा साधारण १ हजार २ सय ९६ र प्राविधिक धारमा ४७ रहेका छन । परिक्षा केन्द्र १६ वटा रहेकोमा सामुदायीक ८१ वटा र संस्थागत ९ गरी जम्मा ९० वटा विद्यालयहरु सहभागी रहेको शिक्षा विकास तथा समन्व्य इकाईले जनाएको छ । यस वर्ष परिक्षामा २ हजार ४ सय ५० छात्रा र १ हजार ८ सय २८ छात्र सहभागी हुदै छन भने जसमा ७ जना २०७९ सालमा अनुउत्तिर्ण भएका विद्यार्थीहरुले परिक्षा दिन लागेका छन ।
परिक्षा भोली विहान ८ बजे देखी सुरु रहेको छ । परिक्षा हलमा मोबाईल, स्मार्टवाच लगायतका सामाग्रीहरु विद्यार्थीहरुले लग्न रोक लगाईएको छ ।
