असार ३२ गते २०८३
प्यूठान अनालाईन न्यूज डेक्स । मौसम पूर्वानुमान महाशाखाले अबको तीन दिन देशका विभिन्न ठाउँमा पानी पर्ने सम्भावना रहेको जनाएको छ । यो अवधिमा मुसुरो, गहुँ लगायतका बाली नकाट्न महाशाखाले किसानलाई सुझाइएको छ ।
पछिल्लो हप्ता परेको पानीबाट प्रभावित गहुँ, मुसुरो खेतबाट पानी निकासको व्यवस्था गर्न, काट्न बाँकी रहेको भए एक–दुई दिन सुक्न दिन, काटिसकेको भए अग्लो/उकास ठाउँ अथवा शेडभित्र सुकाउन र काट्नैपर्ने भए मौसमको अवस्था हेरी खेतमा नछोड्ने गरी भित्र्याउन महाशाखाले सुझाएको छ ।
आजको मौसम अपडेट काठमाडौँ उपत्यकामा तापक्रम २० देखि २८ डिग्री सेल्सियससम्म रहने सम्भावना छ। हल्का वर्षा र बादल लाग्ने अनुमान गरिएको छ। पोखरामा २१ देखि ३० डिग्री सेल्सियससम्मको तापक्रम रहने र पानी पर्ने सम्भावना रहेको छ। लुम्बिनीमा तापक्रम २२ देखि ३२ डिग्री सेल्सियससम्म रहने र वर्षा र बादलको संभावना छ। विराटनगरमा २२ देखि ३० डिग्री सेल्सियस तापक्रम रहने र हल्का वर्षा हुने अनुमान गरिएको छ।
