श्रावण ३ गते २०८३
प्यूठान । दारी ग्याङ प्युठानले सरस्वती आधारभुत विद्यालयका ५० जना विपन्न विद्यार्थिलाई शैक्षिक सामाग्री हस्तान्तरण गरेको छ । मंगलबार दारी ग्याङ प्युठानको आयोजनामा एक कार्यक्रमका विच मल्लरानी गाउपालिका ३ बन्चरेमा रहेको सरस्वती आधारभुत विद्यालयमा अध्ययनरत ५० जना विपन्न विद्यार्थीहरुलाई झोला सहित शैक्षिक सामाग्रीहरु हस्तान्तरण गरिएको अध्यक्ष जीवन खनालले प्यूठान अनलाईनलाई जानकारी दिनुभयो । शिक्षा भनेको जीवनमा चेतनाको विकास भएको बताउदै सभ्य समाजको निर्माण र सबल बनाउन शिक्षा आवश्यक भएकाले केही सहयोग मिलोस भन्ने उदेश्यले उक्त विद्यालयमा अध्ययन गर्ने बालविकास देखी कक्षा ५ सम्मका विपन्न विद्यार्थीहरुलाई झोला सहित शैक्षिक सामाग्री वितरण गरिएको अध्यक्ष खनालले बताउनुभयो ।
वितरण सामाग्रीहरुमा झोला , कापी , कलम , पेन्सिल र माक्स समेत रहेका छन । विद्यार्थीहरुले शैक्षिक सामाग्रीहरु पाउदा अनुहारमा मुस्कान सहित खुसी भएका थिए । उक्त विद्यालय परिवारले दारी ग्याङ प्युठानलाई विशेष धन्यावाद सहित आभार प्रकट गरेका थिए । कार्यक्रमको प्रमुख अथिति रहनुभएका दारी ग्याङ लुम्बिनी प्रदेश संयोजक असल सुवेदीले बालबालिका भनेको भविष्यको कर्णधार भएकाले दुखी , गरिव तथा विपन्न वर्गहरुलाई सहयोग गर्नु मानिसको कर्तव्य भएको बताउदै समाज परिवर्तन र एकता हुनु जरुरी भएको बताउनुभएको थियो ।
कार्यक्रममा सुर्य किरण केसि साथै आशाका किरणका भालुवाङको वरिष्ठ उपाध्यक्ष दिबस आचार्य, उपाध्यक्ष श्रीधर जि सि, दारी लुम्बिनी प्रदेशका सह–संयोजक टार्जन भण्डारी, दारी ग्याङ दाङ र प्युठानका सदस्यहरु पदम खनाल, बिक्रम घर्ती मगर, आशिष श्रेष्ठ, गगन बिसि, आदित्य कशौधन, रोशन पौडेल, रियान शाहको उपस्थिती रहेको थियो भने र सहजीकरण आशा श्रेष्ठ गर्नुभएको थियो ।
