असार ३१ गते २०८३
प्यूठान । जिल्लाको स्वर्गद्वारी नगरपालिकामा विश्व स्तनपान सप्ताह २०२५ को शुभारम्भ गरिएको छ । शुक्रबार “ स्तानपानलाई प्राथमिकता दिऔँ सहयोगी वातावरण निर्माण गरौँ ” मुल नाराको साथ स्वर्गद्वारी नगरपालिकामा एक कार्यक्रमको आयोजना गरी शुभआरम्भ गरिएको हो । कार्यक्रममा नगरप्रमुख टेक प्रसाद भण्डारीले नगरपालिकामा रहेका आमाहरुले आफ्ना बच्चाहरुलाई ६ महिना सम्म अनिवार्य रुपमा आमाको दुध खुवाउन आग्रह गर्नुभएको थियो ।
नगर प्रमुख भण्डारीले आमाको दुध नआएमा पनि बच्चालाई दुध चुसाइरहेमा दुध आउने बताउदै र बाहिरको दुधहरु नखुआउन आग्रह गर्नु भएको थियो । त्यस्तै कार्यक्रममा स्वर्गद्वारी नगरपालिकाका स्वास्थ्य शाखा प्रमुख दल बहादुर केसीले स्वर्गद्वारी नगरपालिकाका ९ वटै वडामा रहेका गाउँघर क्लिनिकमा यहि साउन १८ गते देखी २२ गते सम्म स्वास्थ्य आमाहरुलाई सचेतना गराउने जानकारी दिनुभयो ।
कार्यक्रममा २÷२ जना स्वास्थ्यकर्मी र आफुहरुमा सहभागी हुने बताउनुभयो । त्यस्तै आजै स्वर्गद्वारी नगरपालिकाका भित्रका १७ वटा प्राविमा पोषण पिरिएडको सुरुवात गरिएको छ ।
