मंसिर २१ गते २०८२
प्यूठान । जिल्लाको स्वर्गद्वारी नगरपालिका १ कोचिबाङमा डेंगु , जापानिज इन्सेफलाइटिस स्क्रवटाइफस रोकथाम कार्यक्रम गरिएको छ । बुधबार स्वास्थ्य पवर्तन तिन स अभियान अन्तरगत डेंगु , जापानिज इन्सेफलाइटिस स्क्रवटाइफस रोकथाम कार्यक्रम वडा तहमा बहुनिकाय अन्तरक्रिया समुदाय परिचालनका लागी कार्ययोजना तथा सरसफाई अभियान स्वर्गद्वारी नगरपालिकाको आयोजनामा गरिएको हो । कार्यक्रममा डेंगु , जापानिज इन्सेफलाइटिस स्क्रवटाइफस रोकथाम तथा वडा तहमा बहुनिकाय अन्तरक्रिया समुदाय परिचालनका लागी कार्ययोजना तथा सरसफाई अभियानको सहजिकरण कोचिबाङ स्वास्थ्य चौकीका प्रमुख भरत खड्काले गर्नु भएको थियो ।
कार्यक्रमको प्रमुख अथिति नगर प्रवक्ता सुरज सुनारले रोग लागेर उपचार गर्नु भन्दा रोग नलाग्न दिनु महत्वपुर्ण रहेको बताउदै सबैलाई सचेत र सुरिक्षत रहन आग्रह गर्नु भएको थियो । त्यस्तै कार्यक्रममा जन स्वास्थ्य निरिक्षक दुर्गा प्रसाद गोराथोकीले वर्षातको समयमा डेंगु , जापानिज इन्सेफलाइटिस स्क्रवटाइफस जस्ता रोगहरु लाग्ने भएकाले घर वरिपरी सरसफाई , ड्रम , ट्याङ्कीमा ढक्कन लगाउने , गाडीका टायरहरु नराख्ने, चर्पीमा रहेका बाल्टिमा पानी नभरी खाली राख्ने गरेमा डेंगुबाट बच्न सकिने बताउदै बनजङ्गल जादा सुरक्षितका साथ हेरचाह गरेमा जापानिज इन्सेफलाइटिस स्क्रवटाइफस रोगबाट बच्ने बताउनु भएको थियो । यस्ता कार्यहरु गाउगाउँमा जनचेतना फैलाउन समेत गोराथोकीले आग्रह गर्नुभएको थियो ।
वडा अध्यक्ष मेघराज जिसीको अध्यक्षतामा भएको कार्यक्रममा जनप्रतिनिधी, राजनितिक दलका प्रमुख तथा प्रतिनिधी , स्थानीयहरुको उपस्थिती रहेको थियो । साथै कार्यक्रममा वडा तहमा बहुनिकाय अन्तरक्रिया समुदाय परिचालनका लागी कार्ययोजना तथा सरसफाई अभियानका लागी वडा अध्यक्ष जिसीको नेतृत्वमा ११ सदस्य समिति गठन गरिएको छ
