श्रावण २ गते २०८३
काठमाडौँ — अमेरिकी सेनाले इरानमा फेरि आक्रमण गरेको छ । अमेरिकाले युद्धविरामकै बीच सैन्य काबारही गरेको इरानको आरोप छ ।
अमेरिकी सेनाले ओमानको खाडीमा इरानी तेल ट्यांकरहरुलाई निशाना बनाएको छ । यस आक्रमणपछि इरानले अब सिधा जवाफ दिने चेतावनी दिएको छ । इरानको सरकारी सञ्चारमाध्यम प्रेस टीभीका अनुसार खातम अल–अम्बिया सेन्ट्रल हेडक्वार्टरका प्रवक्ताले अमेरिकी सेनाले जास्क नजिक इरानी समुद्री क्षेत्रबाट हर्मुज स्ट्रेटतर्फ गइरहेका तेल ट्यांकरलाई निशाना बनाइएको बताएका छन् ।
अमेरिकी राष्ट्रपति डोनाल्ड ट्रम्पले यदि तेहरान सम्झौतामा आएन भने फेरि आक्रमण गर्ने चेतावनी दिएका छन् । सञ्चारकर्मीहसँग कुरा गर्दै ट्रम्पले इरानले अमेरिकी सैन्य जहाजमा आक्रमण गरेपछि त्यसको जवाफ दिइएको बताएका छन् ।
‘यसपछि दुवै देशबीच फायरिङ भयो, हामीले उनीहरुलाई पूर्ण रुपमा नष्ट गरेका छौं र उनका कैयौं साना डुंगाहरु डुबाएका छौं । हामी उनीहरुलाई परमाणु हतियार राख्ने अधिकार दिन सक्दैनौं’, ट्रम्पले भने ।
यता संयुक्त राष्ट्रसंघको समुद्री एजेन्सी आईएमओका महासचिव आर्सेनियो डोमिन्गेजले हर्मुज संकटका कारण खाडी क्षेत्रमा करिब एक हजार ५ सयभन्दा बढी जहाज फसेको बताएका छन् । यी हजारमा करिब २० हजार चालक दलका सदस्यहरु फसेका छन् ।
