फागुन २० गते २०८२
प्यूठान अनलाइन न्यूज डेक्स । नुवाकोटको धमलेमा करेन्ट लागेर बालिकाको मृत्यु भएको छ। बेलकोटगढी नगरपालिका १० धमलेमा करेन्ट लागेर ४ वर्षीया बालिका आँचल रानामगरको मृत्यु भएको हो। घरमा खेल्ने क्रममा मोबाइल चार्ज गर्ने बिजुलीको प्लगमा छुँदा करेन्ट लागेर उनी गम्भीर घाइते भएकी थिइन्। उनलाई उपचारको लागि त्रिशूली अस्पताल लगिएकोमा उपचारकै क्रममा शुक्रबार दिउँसो मृत्यु भएको जिल्ला प्रहरी कार्यालय नुवाकोटले जनाएको छ।
शव पोस्टमार्टमका लागि त्रिशूली अस्पतालमा राखिएको छ। घटनाबारे थप अनुसन्धान कार्य भइरहेको नुवाकोट प्रहरीले जनाएको छ ।
