मंसिर २४ गते २०८२
काठमाण्डौ – पहिलो टेस्ट क्रिकेटमा घरेलु टोली बङ्गलादेशले आयरल्यान्डलाई एक पारी र ४७ रनले हराएको छ ।आयरल्यान्डले दोस्रो पारीमा खेलको चौथो दिनको खाना समयपछि २ सय ५४ रन बनाउँदा अलआउट भयो । आयरल्यान्डका एन्डी म्याकब्राइनले अर्धशतक बनाए । बङ्गलादेशका हसन मुरादले ३ विकेट लिए ।
यसअघि सिलहट अन्तर्राष्ट्रिय क्रिकेट मैदानमा टस जितेर ब्याटिङ गरेको आयरल्यान्डले पहिलो पारीमा २ सय ८६ रन बनाएको थियो । आयरल्यान्डका पल स्टर्लिङ र केड कर्माइकलले अर्धशतक बनाए । बङ्गलादेशका मेहदी हसन मिराजले ३ विकेट लिए ।
बङ्गलादेशले पहिलो पारीमा ८ विकेट गुमाएर ५ सय ८७ रन बनाउँदै आयरल्यान्डलाई फलोअन दिएको थियो । बङ्गलादेशका मेहदी हसन जोए र कप्तान नजमुल होसैन शान्तोले शतक तथा मोमिनुल हक, शदमान इस्लाम, लिटन दासले अर्धशतक बनाए । आयरल्यान्डका म्याथ्यू हम्फ्रेसले ५ विकेट लिए ।
योसँगै दुई खेलको शृङ्खलामा बङ्गलादेशले १–० को अग्रता लिएको छ । दोस्रो टेस्ट नोभेम्बर १९ देखि ढाकामा शुरू हुनेछ ।
