श्रावण २ गते २०८३
प्यूठान । स्वर्गद्वारीमा सातौ राष्ट्रिय रनिङशिल्ड प्रतियोगिता २०८२ को उद्घाटन भएको छ । विहिवार “स्वास्थ्यको लागी खेलकुद राष्ट्रको लागी खेलकुद खेलकुद हाम्रो सान खेलाडी उत्पादनमा हाम्रो अभियान” नाराको साथ विद्यालय स्तरीय सातौँ राष्ट्रिय रनिङशिल्ड प्रतियोगिता २०८२ को नगर खेलमैदान स्वर्गद्वारी नगरपालिका ४ बाझिपुरमा स्वर्गद्वारी नगरपालिकाका उपप्रमुख मिनराज रानाले पानसमा बत्ति बालेर उद्घाटन गर्नु भएको हो । प्रतियोगिता उद्घाटन पछि नगर उप्रमुखले स्वर्गद्वारी नगरपालिकाले खेलकुद, स्वास्थ्य , कृषि , पशु लगायत क्षेत्रमा पहिलो प्राथामिकतामा रहेर काम गरेको बताउदै सहभागी सबै विद्यालयका खेलाडीलाई शुभकामना व्यक्त गर्नुभएको थियो ।
त्यस्तै नगरपालिकाका प्रमुख प्रशासकिय अधिकृत केशराज भट्टराईले स्वर्गद्वारी नगरपालिकाबाट खेलाडी उत्पादन भई जिल्ला , प्रदेश र राट्रिय खेलाडीको रुपमा देख्ने थलोको रुपमा रहने बताउदै विगतका प्रतियोगीता भन्दा अझ उत्कृष्ठका साथ आयोजकले सम्पन्न गर्नेछ भन्दै सबै खेलाडीहरुलाई सफलताको शुभकामना व्यक्त गर्नु भएको थियो । प्रतियोगीतामा सबै खेलाडी अनुशासन भई खेलकुद खेल्नुहुनेछ र विजेताको लागी शुभकामना वडा अध्यक्ष गिर बहादुर घर्तिमगर व्यक्त गर्नु भएको थियो ।
उद्घाटनको दिन खेलाडीहरु र दर्शहरुको उपस्थित रहेको खुसी व्यक्त गर्दे राजनितिज्ञ दामोदर कालाथोकीले शुभकामना दिनुभएको थियो । आज उद्घाटनमा लमजममा प्रथम छात्रमा अमर मावि, दोस्रो गङ्गेश्वरी र तेस्रोमा विद्यानन्द मावि भएको छ भने छात्रामा जनता मावि, दोस्रोमा अमर मा.वि र तेस्रो कोचिबाङ भएको प्रेम भुसालले जानकारी दिनुभयो । आजै सटपुट र ज्यालीङ थ्रो प्रतियोगीता भएको भुषाले बताउनु भयो ।
भोली विहान ८ बजे देखी तिन हजार मिटर दौड प्रतियोगीताबाट सुरु रहेको खेलकुद व्यवस्थापन समितीले जनाएको छ ।
