श्रावण ३ गते २०८३
आईसिसी अन्डर १९ विश्वकप एसिया छनोटअन्तर्गत आज भएको खेलमा नेपालले ओमानलाई पराजित गरेको छ। ओमानले दिएको १ सय १८ रनको सामान्य लक्ष्य पछ्याएको नेपालले २ विकेटको क्षतिमा ३५ ओभरको खेल बाँकी रहँदै लक्ष्य भेट्टाएको हो।
आजको खेलमा निरज यादवले ४६ रनको योगदान दिएका थिए। ओमानविरुद्धको खेलमा ओमानले नेपाललाई १ सइ १८ रनको लक्ष्य दिएको छ।
टस हारेर पहिले ब्याटिङको निम्तो पाएको ओमानलाई नेपालले १ सय १७ रनमै अलआउट गरेको थियो। माथिल्लो मूलपानी अन्तर्राष्ट्रिय क्रिकेट मैदानमा भएको खेलमा युवराज खत्रीको घातक बलिङमा ओमानले निर्धारित ५० ओभरको खेलको ३८ ओभरमा सबै विकेट गुमाउँदै १ सय १७ रन मात्र बनाउन सक्यो।
ओमानका लागि सिद्धार्थ सौवण्य शंकरले १६, रिषभ गुप्ताले ९, जित व्रजेश शाहले ५२, सौम्य भविन सम्पतले ८ रन बनाएका थिए। नेपालका युवराज खत्री एक्लैले ५ विकेट लिए।
युवराजले २ मेडन ओभरसहित ३१ वटा डट बल फ्याँकेका थिए। उनले १५ रन मात्र दिएर ५ विकेट लिएका थिए। उनी बाहेक सन्तोष यादवले २ दयानन्द मण्डल, अपराजित पौडेल र अशोक धामीले समान १/१ विकेट लिएका थिए।
