असार १५ गते २०८२
प्यूठान । अमर क्याम्पसमा अध्ययन गर्ने चौथौँ वर्षका विद्यार्थीहरुलाई विदाई गरिएको छ । शनिवार अमर क्याम्पसमा अध्ययन गर्ने प्रथम वर्ष , दोस्रो वर्ष र तेस्रो वर्षमा अध्ययन गर्ने विद्यार्थीको आयोजनामा क्याम्पसमा एक कार्यक्रमको विच चौथौ वर्षका विद्यार्थीलाई विदाई गरिएको हो ।
कार्यक्रममा प्रमुख अथिति रहनु भएका व्यवस्थापन सञ्चालक समितिका अध्यक्ष नेत्र रोकायले विदाई जिवनमा चलिरहने प्रक्रिया भएकाले यसलाई निराशको भावमा नल्याई खुसीको पल र शैक्षिक क्षेत्रमा अगाडि बढेको महशुसको रुपमा लिन विद्यार्थीहरुलाई आग्रह गर्नु भएको थियो । त्यस्तै कार्यक्रममा विशेष अथिति रहनु भएका क्याम्पस प्रमुख मधुसुदन अधिकारीले शैक्षिक क्षैत्रमा अगाडी बढेकोमा बधाई दिदै विद्यार्थीको जिवनमा उज्वल भविष्यको शुभकामना दिनुभएको थियो ।
त्यस्तै कार्यक्रममा क्याम्पस सहायक प्रमुख टिकाराम शर्मा , प्रध्यापक याम शर्माले विदाई मन्तव्य राख्नु भएको थियो । स्ववियु सभापति जीवन रोका मगरको अध्यक्षतामा भएको कार्यक्रममा उपसभापति सन्तोष सुनारले स्वातग मन्तव्य राख्नु भएको थियो भने कार्यक्रमको सञ्चालन सचिव यमुना राउत क्षेत्रीले गर्नु भएको थियो ।
