श्रावण ३ गते २०८३
महोत्तरी ः गौशाला बजारबाट प्रहरीले १८ लाखभन्दा बढी रकम बराबरको अवैध रेडिमेट कपडासहित एकजना भारतीय नागरिक पक्राउ गरेका छन्। इलाका प्रहरी कार्यालय गौशालाले विशेष सूचनाका आधारमा छापामारी गर्दा सो परिमाणको विभिन्न किसिमको रेडिमेट कपडाहरू बरामद भएको जिल्ला प्रहरी कार्यालय महोत्तरीले जनाएको छ।
गौशाला नगरपालिका(५ गौशाला बजारस्थित सुबोध यादवको एकतले पक्की घर भाडामा लिई बस्दै आएका भारतको पश्चिम बंगाल प्रान्त, कोलकताका ३६ वर्षीय मनोज रायलाई प्रहरीले नियन्त्रणमा लिएको छ। भन्सार छली गरी संकलन गरिएका ती लत्ता कपडाहरू नियन्त्रणमा लिएको हो।
त्यस्तै सोही स्थानबाट एक थान हरिणको सुकेको छाला ९आखेटोपाहार०समेत फेला परेको थियो। बरामद भएका ती भन्सार छलीका लत्ता कपडाहरू उपर आवश्यक कारबाहीका लागि जिल्ला भन्सार कार्यालय बुझाउने कार्य भइरहेको छ।
