श्रावण १ गते २०८३
काठमाण्डौ – प्रधानमन्त्री कप एकदिवसीय राष्ट्रिय क्रिकेट प्रतियोगितामा सशस्त्र प्रहरी बलको एपीएफ क्लबले कर्णाली प्रदेशलाई हराएको छ । आज भएको खेलमा एपीएफले कर्णालीलाई १० विकेटले हराएको हो ।
कर्णालीले दिएको १ सय ८ रनको लक्ष्य पछ्याएको एपीएफले १२ ओभरमा कुनै पनि विकेट नगुमाई भेटायो । एपीएफका आसिफ शेखले अविजित ६५ र दीपक बोहराले अविजित ४२ रन बनाए ।
त्यसअघि जनकपुरधाममा टस जितेर ब्याटिङ गरेको कर्णाली २६ ओभरमा १ सय ७ रन बनाउँदा अलआउट भयो । कर्णालीका अर्जुन घर्तीले सबैभन्दा धेरै ३८ रन बनाए । एपीएफका दीपेश कँडेलले ४ विकेट लिए ।
प्रतियोगितामा एपीएफको यो दोश्रो जीत हो । एपीएफ ६ खेलमा ५ अङ्कसहित छैटौं स्थानमा छ भने समान खेलमा कर्णाली ३ अङ्कसहित आठौं स्थानमा छ ।
वीरगञ्जमा भइरहेको अर्को खेलमा गण्डकी प्रदेश र कोशी प्रदेशको खेल चल्दैछ । गण्डकीले दिएको २ सय २८ रनको लक्ष्य कोशीले पछ्याइरहेको छ । प्रतियोगितामा १० वटा टोली रहेका छन् ।
