असार ३२ गते २०८३
बैशाख १२ गते। स्थानीय वायुले प्रभावले देशभरको तापक्रम क्रमशः बढ्दो अवस्थामा छ । कोशी, गण्डकी र कर्णाली प्रदेशका पहाडी भूभागमा आंशिक बदली छ भने बाँकी भूभागमा मौसम सफा छ । गण्डकीका केही पहाडी स्थानमा चट्याङ्गसहित हल्का वर्षा भइरहेको मौसम पूर्वानुमान महाशाखाले जनाएको छ ।
दिउँसो पनि कोशी, गण्डकी, कर्णाली र सुदूरपश्चिम प्रदेशका पहाडी भूभागमा आंशिकदेखि सामान्य बदली रहनेछ भने बाँकी ठाउँमा मौसम सामान्य रहनेछ । ती प्रदेशका पहाडी क्षेत्रमा कतैकतै मेघ गर्जनसहित हल्का वर्षा हुन सक्ने सम्भावना छ ।त्यस्तै ती पहाडी क्षेत्रमाथिका हिमाली भूभागमा हल्का हिमपातको सम्भावना पनि देखिएको छ ।
आज राति पनि यस्तै अवस्थाको निरन्तरता रहने पूर्वानुमान गरिएको छ ।मधेस, बागमती, गण्डकी, लुम्बिनी र सुदूरपश्चिम प्रदेशका तराई भूभागमा भने अत्यधिक गर्मी बढ्ने देखिएको छ । लुम्बिनी प्रदेशका केही स्थानमा तातो लहर चल्न सक्ने भन्दै मौसमविद्हरूले सतर्कता अपनाउन आग्रह गरेका छन् ।
