श्रावण ३ गते २०८३
प्यूठान । प्यूठान नगरपालिकाले नगरपालिका बाहिरबाट आउने तरकारी तथा फलफूलमा कर उठाउन सुरु गरेको छ । आर्थिक बर्ष २०८१÷०८२ को पहिलो नगरशभाले नगरपालिका भित्रने सबैखाले फलफूल तथा तरकारीमा कर लिने निर्णय गरिएको र बिहिबारदेखी कर उठाउन सुरु गरिएको प्यूठान नगरपालिकाले जनाएको छ ।
प्रतिकेजी २० पैसाका दरले कर लिने निर्णय नगरपालिकाले गरेको छ । तरकारी तथा फलफूलको आयात कम गर्न र नगरपालिका भित्रकै किसानलाइ कृषिमा जोड्न आयातमा करको ब्यवस्था गरिएको हो । नगरपालिकाको प्राथमिकता भनेको जिल्ला बाहिरबाट आउने तरकारी तथा फलफूलको आयात रोक्ने नै हो । हालको निर्णयले अन्तरपालिकाको आयातमा पनि कर लाग्ने छ । प्यूठान जिल्लाकै अन्य स्थानिय तहबाट फलफूल तथा तरकारी प्यूठान नगरपालिकामा आए त्यसको पनि कर लाग्ने छ ।
