फागुन ५ गते २०८२
प्यूठान अनलाईन न्युज डेक्स । नेपाल कम्युनिस्ट पार्टी ( माओवादी केन्द्र) ऐरावती गाउँपालिका प्युठानको प्रथम बैठक शनिबार सम्पन्न भएको छ । बैठकले माओवादी केन्द्र ऐरावतीको नेतृत्वसहित कार्यसमिति निर्वाचित गरेको छ । यसअघि सम्पन्न अधिवेशनले प्रतिनिधि चयन गरेको थियो ।
बैठकले द्रोणप्रसाद पाण्डेको अध्यक्षतामा नयाँ कार्यसमिति गठन गरेको छ । कार्यसमितिको उपाध्यक्षमा क्रमशः रेशमबहादुर थापा, अर्जुनकुमार पन्थी र सावित्रा बस्नेत चयन हुनुभएको छ । त्यसैगरी सचिवमा भिमेशकुमार घर्तिमगर, सहसचिवमा मोतिलाल विश्वकर्मा, कोषाध्यक्षमा सुमन्त पाण्डे चयन हुनुभएको छ । अध्यक्ष पाण्डे यशअघि एक कार्यकाल अध्यक्ष भैसकेका हुन ।
कार्यालय प्रमुख सचिवमा ध्रुब गन्धर्व, सचिवालय सदस्यहरुमा सरस्वती जिसी, चिन्तन श्रेष्ठ, मधुसूदन थापा, मुक्ति आचार्य, सुर्य जिसी, सुर्य रोका र टेकबहादुर थापा चयन हुनुभएको नवनिर्वाचित अध्यक्ष पाण्डेले जानकारी दिनुभयो ।
अध्यक्ष पाण्डेका अनुसार पालिका इन्चार्ज बुद्ध बस्नेतको प्रमुख आतिथ्यतासहित सहइन्चार्ज पदम थापा, ज्येष्ठ कम्युनिस्ट मंचका केन्द्रीय सदस्य ओमप्रकाश श्रेष्ठको उपस्थितिमा बसेको बैठकले पदाधिकारी र सचिवालय समिति सर्वसम्मत रुपमा चयन गरेको हो ।
बैठकले संगठनका सम्बन्धमा, राजनीतिक तथा वैचारिक कार्यका सम्बन्धमा, आर्थिक व्यवस्थापनका सम्बन्धमा, कार्यलय व्यवस्थापनका सम्बन्धमा र विविध विषयहरुमा महत्वपूर्ण निर्णय गरेको सचिव भिमेशकुमार घर्तिमगरले बताउनुभयो ।
