असार ३२ गते २०८३
प्यूठान अनालईन न्युज डेक्स । जिल्लाको प्युठान नगरपालिका वडा न ३ को आर्थिक सहयोगमा प्युठान नगरपालिका वडा न ३ चक्रीबाङ्गमा बृहत् खानेपानीको सेवा क्षेत्र बिस्तार भएको छ । नगरपालिकाको ५ लाख आर्थिक सहयोगमा खानेपानी योजना बिस्तार भएको हो ।
विहिवार नगर प्रबक्ता एवं प्युठान नगरपालिका वडा न ३ का वडा अध्यक्ष सुमन राज श्रेष्ठले चक्रीबाङ्ग समुदायका बासिन्दाहरुको पानीको धारा खोली खानेपानी उद्घाटन गर्नुभयो । नगर क्षेत्र भित्रका सबै बासिन्दाहरुलाइ खानेपानीको आवश्यकता पूरा गर्ने नगरको योजना अनुरुप चक्रीबाङ्गका बासिन्दाको समस्यालाइ मध्यनजर गर्दै बजेट बिनियोजन गरिएको भन्दै प्रबक्ता श्रेष्ठले नगरका अन्य खानेपानी समस्या भएका बस्तिहरुमा प्राथमिकताका साथ योजना अघि बढाइ खानेपानी समस्या समाधान गर्ने नगरको योजना रहेको बताउनुभयो ।
घर घरमा खानेपानी आए पछि चक्रीबाङ्गका बासिन्दाहरु खुसी भएका छन् । खानेपानीको ब्यबस्था नहुदा चक्रीबाङ्गबासिले हाल सम्म जुम्री खोला तथा मेथिखोलाको मुलबाट बोकेर धमिलो पानी खान बाध्य भएका थिए ।
