फागुन ५ गते २०८२
पाकिस्तानको उत्तरपश्चिमी क्षेत्रमा ठूलो वर्षापछि अचानक आएको बाढी तथा पहिरोमा परी कम्तीमा तीन सय ३७ जनाको ज्यान गएको छ । दर्जनौँ मानिस अझै बेपत्ता भएका अन्तर्राष्ट्रिय सञ्चार माध्यमले जनाएका छन् ।
पाकिस्तानको राष्ट्रिय विपद् व्यवस्थापन प्राधिकरणका अनुसार ज्यान गुमाउनेमध्ये सबैभन्दा बढी बुनर जिल्लाका छन् । त्यहाँ मात्रै दुई सय सात जनाको ज्यान गएको छ । धेरै गाउँमा घरहरू पूर्ण रूपमा ध्वस्त भएका छन् । सडकहरू अवरुद्ध भएका र ठूलो मात्रामा भौतिक संरचनामा क्षति पुगेको अल जजिराले जनाएको छ ।
बाढी प्रभावित क्षेत्रका बासिन्दाले बाढीबारे समयमै सचेत नगराएको भन्दै सरकारको आलोचना गरिरहेका खबरमा उल्लेख छ । सरकारले भने आपतकालीन पूर्वसूचना प्रणाली सक्रिय रहेको तर वर्षा अत्यन्त तीव्र भएकाले सूचना पुग्नुभन्दा पहिले नै बाढी आएको दाबी गरेको छ ।
