वैशाख ३ गते २०८३
प्युठान । प्युठानको माण्डवी गाउँपालिका–३ देबिस्थान अरङ खोलामा मोटरसाइकल दुर्घटना हुदा चालकको मृत्यु भएको छ । शनिवार राति लु २५ प ७०१४ नम्बरको मोटरसाइकल अनियन्त्रित भई दुर्घटना भएको जिल्ला प्रहरी कार्यालय प्यूठानले जनाएको छ । मृत्यु हुनेमा चालक माण्डवी गाउँपालिका–२ रातापानी चिलौनेका २३ वर्षीय विष्णु घर्ती गम्भीर घाइते हुनुभएको थियो ।
घाइते घर्तीलाई तत्काल बिजुवार अस्पताल पुर्याइएकोमा उपचारको क्रममा उहाँको निधन भएको जिल्ला प्रहरी कार्यालय प्युठानका सूचना अधिकारी निरञ्जन रिजालले बताउनुभयो । दुर्घटनाबारे थप अनुसन्धान भइरहेको प्रहरीले जनाएको छ।
