वैशाख २७ गते २०८३
प्यूठान । जिल्लाको प्यूठान नगरपालिकाका नगर प्रमुख विष्णु बहादुर योगीले क्वाडी– बाग्दुला सडक विस्तारका लागी आफ्नै घर भत्काउनु भएको छ । प्युठान नगरपालिकाको समन्वयमा सडक डिभिजन कार्यालय प्युठानले सडक केन्द्र रेखाबाट दायाँ–बायाँ ७.५–७.५ मिटर गरी १५ मिटर चौडा बनाउने योजना अनुसार पहिले आफ्नै घर भत्काई सडक विस्तार कार्य सुरु गर्नु भएको हो ।
सार्वजनिक हितलाई प्राथमिकता दिँदै नगरप्रमुख स्वयंले घर भत्काउन थालेको दृश्य प्रेरणादाही बनेको छ । ‘सडक नभए समृद्धी नै हुदैन, विकास नै हुदैन । गाडीहरुको जाम त्यत्तीकै हुने । दुर्घटना पनि भई नै राख्ने । त्यसैले सडक फराकिलो होस भनेर आफ्नो घर भत्काएर सडक विस्तार कार्य सुरु गरेको नगर प्रमुख योगीले बताउनुभयो ।
सडक विस्तार पछि साईकल यात्री , पैदल यात्री , गाडीहरु आवतजावतमा सहज हुने छ ।
