मंसिर २३ गते २०८२
रुकुम पश्चिम, १७ चैत । रुकुम पश्चिमको आठबीसकोट नगरपालिका वडा नम्बर ९ राडीमा रहेको नापी कार्यालयको साइनबोर्ड ह्याक भएको छ । आज बिहान कार्यालयको डिजिटल बोर्डमा ‘‘आई लभ यू प्रमिला, आई रियल्ली लभ यू’’ लेखेको देखिएको छ । नगरप्रमुख रवि केसीका अनुसार ह्याकरले नापी कार्यालको नाम हटाएर ‘‘आई लभ यू प्रमिला, आई रियल्ली लभ यू’’ लेखेको हो ।
यस विषमा अनुसन्धान भइरहको छ भन्दै नगरप्रमुख केसीले जिल्ला प्रशासन कार्यालय तथा अनुसन्धान गर्ने निकायलाई जानकारी गराइसकेको बताउनुभयो । आज विहान स्थानीयले मोर्निङ वाकको समयमा नापी कार्यालयको वोर्डमा यस्तो लेखेको देखेपछि सामाजिक संजालमा पोष्ट गरेका थिए ।।
