जेठ ५ गते २०८३
काठमाण्डौ । पेट्रोलियम पदार्थको अत्यधिक मूल्य वृद्धिसँगै निर्माण क्षेत्र प्रभावित हुँदा पेट्रोलियम पदार्थको खपतमा कमी आएको छ ।
नेपाल आयल निगम मधेश प्रादेशिक कार्यालयका अनुसार पछिल्लो समय दैनिक पेट्रोलियम पदार्थको बिक्रीमा कमी आएको हो । कार्यालयले विगतमा दैनिक औसतमा ५ हजार किलोलिटर डिजेल र २ हजार किलोलिटर पेट्रोल बिक्री गर्ने गर्थ्यो । तर, अहिले कार्यालयबाट हुने इन्धनको बिक्रीमा कमी आएको छ ।
नेपाल आयल निगम मधेश प्रादेशिक कार्यालयका प्रमुख अशोक साहले पछिल्लो समय दैनिक पेट्रोल र डिजेल बिक्रीमा केही कमी आएको बताउनुभयो । अहिले डिजेल दैनिक औसतमा तीन हजार ५०० किलोलिटर बिक्री हुँदै आइरहेको छ भने पेट्रोल दैनिक एक हजारदेखि एक हजार पाँच किलोलिटर औसतमा बिक्री हुँदै आइरहेको उहाँको भनाइ छ ।
पेट्रोल र डिजेलको मूल्य बढी भएकाले पनि स्वाभाविक रूपमा बिक्रीमा कमी आएको उहाँको भनाइ छ । नेपाल निर्माण व्यवसायी महासङ्घले भने पेट्रोलियम पदार्थमा अत्यधिक मूल्यवृद्धिका कारण पूर्वाधार निर्माण क्षेत्रको काम प्रभावित भएकाले इन्धनको खपतमा कमी आएको दाबी गरेको छ ।
नेपाल निर्माण व्यवसायी महासङ्घका पूर्वअध्यक्ष रवि सिंहले इन्धनमा अत्यधिक मूल्यवृद्धिका कारण निर्माण व्यवसायीले अत्यावश्यक अवस्थामा मात्रै इन्धन खर्च गर्ने गरेको बताउनुभयो । उहाँले निर्माण व्यवसायीले पुललगायत संरचनामा भने महँगो मूल्यको इन्धन प्रयोग गर्दै आइरहेको बताउनुभयो ।
उहाँका अनुसार केही समय अघिसम्म प्रतिकिलोग्राम ८० रुपैयाँमा पाइने बिटुमिन अहिले करिब प्रतिकिलोग्राम १५५ भन्दा माथि पुगेको छ । वीरगञ्ज भन्सार कार्यालयका अनुसार चालु आर्थिक वर्षको नौ महिनामा पाँचैथरिका एक खर्ब ४८ अर्ब १६ करोड रुपैयाँ मूल्य पर्ने पेट्रोलियम पदार्थ आयात भएको छ ।
गएको आर्थिक वर्षको यही अवधिमा भने एक खर्ब ४० अर्ब १० करोड रुपैयाँ मूल्य पर्ने पाँच थरिका पेट्रोलियम पदार्थ आयात भएको थियो ।मूल्यवृद्धिले निर्माण क्षेत्र प्रभावित हुँदा पेट्रोलियम पदार्थको खपतमा कमी
काठमाण्डौ । पेट्रोलियम पदार्थको अत्यधिक मूल्य वृद्धिसँगै निर्माण क्षेत्र प्रभावित हुँदा पेट्रोलियम पदार्थको खपतमा कमी आएको छ ।
नेपाल आयल निगम मधेश प्रादेशिक कार्यालयका अनुसार पछिल्लो समय दैनिक पेट्रोलियम पदार्थको बिक्रीमा कमी आएको हो । कार्यालयले विगतमा दैनिक औसतमा ५ हजार किलोलिटर डिजेल र २ हजार किलोलिटर पेट्रोल बिक्री गर्ने गर्थ्यो । तर, अहिले कार्यालयबाट हुने इन्धनको बिक्रीमा कमी आएको छ ।
नेपाल आयल निगम मधेश प्रादेशिक कार्यालयका प्रमुख अशोक साहले पछिल्लो समय दैनिक पेट्रोल र डिजेल बिक्रीमा केही कमी आएको बताउनुभयो । अहिले डिजेल दैनिक औसतमा तीन हजार ५०० किलोलिटर बिक्री हुँदै आइरहेको छ भने पेट्रोल दैनिक एक हजारदेखि एक हजार पाँच किलोलिटर औसतमा बिक्री हुँदै आइरहेको उहाँको भनाइ छ ।
पेट्रोल र डिजेलको मूल्य बढी भएकाले पनि स्वाभाविक रूपमा बिक्रीमा कमी आएको उहाँको भनाइ छ । नेपाल निर्माण व्यवसायी महासङ्घले भने पेट्रोलियम पदार्थमा अत्यधिक मूल्यवृद्धिका कारण पूर्वाधार निर्माण क्षेत्रको काम प्रभावित भएकाले इन्धनको खपतमा कमी आएको दाबी गरेको छ ।
नेपाल निर्माण व्यवसायी महासङ्घका पूर्वअध्यक्ष रवि सिंहले इन्धनमा अत्यधिक मूल्यवृद्धिका कारण निर्माण व्यवसायीले अत्यावश्यक अवस्थामा मात्रै इन्धन खर्च गर्ने गरेको बताउनुभयो । उहाँले निर्माण व्यवसायीले पुललगायत संरचनामा भने महँगो मूल्यको इन्धन प्रयोग गर्दै आइरहेको बताउनुभयो ।
उहाँका अनुसार केही समय अघिसम्म प्रतिकिलोग्राम ८० रुपैयाँमा पाइने बिटुमिन अहिले करिब प्रतिकिलोग्राम १५५ भन्दा माथि पुगेको छ । वीरगञ्ज भन्सार कार्यालयका अनुसार चालु आर्थिक वर्षको नौ महिनामा पाँचैथरिका एक खर्ब ४८ अर्ब १६ करोड रुपैयाँ मूल्य पर्ने पेट्रोलियम पदार्थ आयात भएको छ ।
गएको आर्थिक वर्षको यही अवधिमा भने एक खर्ब ४० अर्ब १० करोड रुपैयाँ मूल्य पर्ने पाँच थरिका पेट्रोलियम पदार्थ आयात भएको थियो ।
