श्रावण ४ गते २०८३
काठमाण्डौ । युक्रेनको सार्वजनिक ऋण सन् २०२२ देखि ११० अर्ब डलर भन्दा बढीले वृद्धि भएको रुसी समाचार संस्था तासले जनाएको छ । यसमा बाह्य र घरेलु दुवै दायित्व समावेश छ । सन् २०२२ को शुरुदेखि अहिलेसम्म सार्वजनिक ऋण दोब्बरभन्दा बढी भएको हो ।
युक्रेनी अर्थ मन्त्रालयको तथ्याङ्कमा आधारित तासको रिपोर्ट अनुसार युक्रेनको सार्वजनिक ऋण ९७।९६ अर्ब अमेरिकी डलरबाट २०८।९७ अर्ब डलर पुगेको हो । युक्रेनको बाह्य ऋणमा वृद्धि सन् २०२२ को ५७।२ अर्ब डलरबाट १६२।७३ अर्ब डलर पुगेको छ । यो लगभग तीन गुणा वृद्धि हो । यस रकममध्ये युक्रेनले अन्तर्राष्ट्रिय मुद्रा कोषलाई लगभग १० अर्ब डलर तिर्नु पर्छ, बाँकी विभिन्न सहयोगी देशहरूलाई तिर्नुपर्छ ।
किएभको ऋणमा तीव्र वृद्धि सैन्य सहायता र अनुदानको रूपमा पश्चिमा सहयोग प्राप्त गरेपछि आएको हो । अनुमानित कूल दुई करोड ८० लाख जनसङ्ख्या रहेको युक्रेनमा जनसङ्ख्याको आधारमा हरेक नागरिकको अब सार्वजनिक ऋणमा लगभग सात हजार ५०० डलर ऋणभार रहनेछ । युरोपेली सङ्घले हालै युक्रेनको लागि ९० अर्ब युरो ऋण प्याकेजको घोषणा गरेको छ जुन निकासा हुने तयारीमा छ र यो ड्रोनको लागि छुट्याइएको पहिलो किस्ता हो ।
