माघ १० गते २०८२
रुपन्देही। रोकिराखेको ट्रकमा मोटरसाइकल ठोक्किँदा रुपन्देहीमा दुई जनाको मृत्यु भएको छ । भैरहवा–परासी सडक खण्ड अन्तर्गत रोहिणी गाउँपालिका वडा नम्बर ३ परासीझुवामा रोकिरहेको ट्रकमा मोटरसाइकल ठोक्किएको रुपन्देही प्रहरी प्रवक्ता एवम् प्रहरी नायब उपरीक्षक सुरज कार्कीले जानकारी दिनुभयो ।
उहाँका अनुसार दुर्घटनामा मृत्यु हुनेमा ओमसतिया गाउँपालिका वडा नम्बर ३ का २१ वर्षीय राजु हरिजन र २३ वर्षीय रोहित यादव रहेका छन् । बिहान ६ बजेतिर परासीबाट भैरहवातर्फ गुडिरहेको मोटरसाइकल रोकिरहेको भारतीय नम्बरको ट्रकमा ठोकिएको हो ।।
